– من المعروف ان الحروب بتبقي بين جيشين يعني بين بشر بيمتلكوا اسلحة متشابهه وبيتقاتلوا علي شئ معين
– لكن حرب بين جيش وفصيله من الطيور جديده دي
الحرب التي خسرتها أستراليا ضد سرب من طيور الإيمو اقرب مثال واللي اتعرفت على نطاقٍ واسعٍ باسم حرب الإيمو العظمى،
– وكانت خسارة الحرب دي دليلاً على أن الأسلحة مش دايما هي العامل الاساسي للانتصار في المعارك
الحرب اللي اتصنفت من اغرب واغبي الحروب في التاريخ ايه اللي حصل وليه اتسمت بحرب الايمو تعالا اقولك
بعد الحرب العالمية الاولي كرمت الحكومة الاسترالية المحاربين القدامي واديتهم قطع اراضي في مقاطعة كامبيون غرب استراليا
ودي كانت ضمن خطة الحكومة لدعم الزراعة وتشجيعهم على زراعة القمح وبالأخص بعد تعرض العالم للكساد الكبيرسنة 1929، واللي اتسببت في تدهور الحالة الاقتصادية لدول العالم بما فيهم استراليا
وبسبب الظروف الصعبة اللي مر بيها العالم اتجه المحاربون الاستراليون الي زراعة اراضيهم الموجوده في مقاطعة كامبيون
واللي كانت ماشيه كويس جدا لحد سنة 1932
– ولسوء الحظ بسبب مياه الري ومحصول القمح جذبت طيور الايمو المهاجرة
واللي بتشبه النعام في حجمها وبتتميز بسرعتها وعدم قدرتها علي الطيران
وفي مشهد غريب وصل ثاني أكبر سرب طيور مهاجر في العالم، واللي بلغ حوال 20 ألف طائر إيمو خرب مباني المزارعين وكلت المحصول واتسببت في خسائر اقتصادية فادحه
فاتواجه المزاعين للحكومه الاسترالية وبعتوا كتاب لوزير الدفاع الاسترالي السير جورج بيرس عشان تتم مهاجمه الطيور دي بالرشاشات والمدافع وفعلا استجاب لطلبهم وبعتلهم فرقة عسكرية من سلاح المدفعيه
– ومن هنا بدات حرب الايمو وبدأت عملية القضاء على طيور الإيمو في 2 نوفمبر
وكان السير جورج بيرس حاطط شرط واحد بالنسبة للفلاحين وهو إجراء عملية الإبادة من قبل الجيش الأسترالي ومش من حق المزارعين المشاركة، ودا لسببين: الأول لتدريب الجنود على الرماية والتصويب على هدفٍ معين، والثاني هو المكسب السياسي لحكومته انها تظهر قدام الإعلام بأنها في خدمة الشعب.
– وكان جورج بيرس بيعتقد ان الحملة هتكون سهلة وهتنتهي بسرعة وبعت مصورين وإعلاميين إلى منطقة كامبيون عشان يوثقوا النصر دا .
لكن للاسف الطيور فاجاءت القوات العسكرية والاعلام
كانت طيورالايمو سريعة وبتمتلك بنية قوية قادرة علي تحمل الرصاص بالاضافة الي انها طيور ذكية
لما عثر الجنود على قطيع بيضم حوالي 50 طائر، حاول الجنود محاصرتهم في مجموعة ضيقة عشان يبقي الهدف أسهل،
فهمت الطيور الخطة وانقسموا إلى مجموعاتٍ أصغر وجريوا في اتجاهين متعاكسين واتمكنوا من النجاة
– مرت 6 أيام من الحرب، واطلق الجيش الاسترالي 2500 طلقة بدون اصابة اي طير ،
الجيش الأسترالي ماكنش يعرف أنه بيتعامل مع واحدة من أذكى وأقوى الكائنات في العالم بالاضافة ان كان بيبلغ طولها 180 سم وتمتلك بنية قوية قادرة على تحمل الرصاص بالإضافة إلى سرعتها الرهيبة في الجري.
اجتمع مجلس النواب الأسترالي لمناقشة العملية في الثامن من نوفمبر وكانت الآراء متضاربة، و تلقّى السير جورج بيرس انتقادات شديدة لنتائج المعركة ساعتها، وبعد وقت كبير من النقاش قررت المجموعة سحب القوات الأسترالية من حرب الإيمو العظمى.
قرار الانسحاب من الحرب ما استمرش كتير ، طيور الايمو استغلت غياب الجيش وقررت تنتقم ودمرت باقي المحاصيل اللي موجوده في المنطقة،
وعشان كدا عاد الجيش للحرب مرة تانيه لكن المرة دي حققت القوات الاسترالية درجةً كبيرة من النجاح واتمكنوا من قُتل 300 إيمو
ماكنتش الحرب مع الطيوردي سهلة ولكنها انتهت بدون اصابة اي جندي
وعلي الرغم من قتل حوالي الف ايمو خسرت استراليا حوالي 10000 الاف طلقة
– ودا اللي خلي الرقم دا يعد احد اسوء نسبة ذخيرة رصاص مهدرة في التاريخ العسكري العالمي
وفي النهاية وبعد الخساير دي كلها اتوصلت الحكومة لحل جذري وبديهي وهو بناء أسوارحول المزارع والحقول ويقف عليها جنود للحراسه ، وبكدا انتهت ازمة الايمو
– طبعا انت بتساءل نفسك عن سبب غياب الحل دا من الاول على الرغم من بساطته،
ايوا ! السؤال دا هو اللي خلي حرب الإيمو هي الأغبى في التاريخ ووصمة عار لاستراليا لحد انهاردا .
من وجهة نظرك هل كان في حلول تانيه ممكن عن طريقها حل مشكلة طيور الايمو
شاركني في التعليقات